سفر

نږدې ۵۷۰ کډوالې کورنۍ په یوه ورځ هېواد ته راستنې شوې

اشتراک گذاری:

بریانیوز جمعه - ١۹ سرطان ١٤٠٥

د اسلامي امارت د ویاند مرستیال ویلي، په تېرو ۲۴ ساعتونو کې نږدې ۵۷۰ کډوالې کورنۍ، چې ټولټال ۲ زره او ۹۴۰ کسان کېږي، د تورخم، سپین‌بولدک، اسلام‌کلا او بهرامچې له لارو بېرته هېواد ته راستنې شوې دي

د حمدالله فطرت په وینا، راستنو شویو کډوالو ته د لېږد اسانتیاوې، نغدي مرستې، روغتیايي خدمتونه او د اړتیا وړ لارښوونې برابرې شوې دي، څو د بېرته مېشتېدو لومړنۍ اړتیاوې یې تر یوه بریده پوره شي

هغه زیاته کړه، یوازې په یوه ورځ کې ۶۱۸ کډوالو کورنیو ته د استوګنې د ځمکو نومرې هم وېشل شوې دي، څو د دوی د دایمي مېشتېدو لپاره لازمې اسانتیاوې برابرې شي

چارواکي وایي، له ګاونډیو هېوادونو څخه د افغان کډوالو د پرله‌پسې راستنېدو له امله د هغوی د هرکلي، مېشتېدو او لومړنیو خدمتونو د برابرولو چارې روانې دي او هڅه کېږي چې راستنېدونکو ته لازمې اسانتیاوې برابرې شي