اخبار فوری
فــــهــــيـــم شـاهـیـن
22 سرطان 1405
53
یونیسف: په افغانستان کې ۳.۷ میلیونه ماشومان د خوارځواکۍ له جدي ګواښ سره مخ دي
بریانیوز دوشنبه - ۲۲ سرطان ١٤٠٥
کابل – د ملګرو ملتونو د ماشومانو د ملاتړ صندوق (یونیسف) په خپل تازه راپور کې خبرداری ورکړی چې په افغانستان کې د خوړو او تغذیې ناامنۍ له امله ۳.۷ میلیونه هغه ماشومان چې عمرونه یې تر پنځو کلونو کم دي، د خوارځواکۍ له جدي ګواښ سره مخ دي
یونیسف ویلي، د اقتصادي ستونزو، د خوړو کمښت او د روغتیايي خدمتونو محدود لاسرسی د دې لامل شوی چې میلیونونه ماشومان د مناسبې تغذیې له نشتوالي سره مخ شي. د دغه بنسټ په وینا، که بیړني اقدامات ونه شي، د ماشومانو روغتیا او ژوند به له لا زیاتو خطرونو سره مخامخ شي
راپور زیاتوي چې خوارځواکي نه یوازې د ماشومانو پر فزیکي ودې اغېز کوي، بلکې د هغوی ذهني پرمختګ او راتلونکی هم له جدي ګواښ سره مخ کوي. یونیسف له نړیوالې ټولنې او مرستندویه ادارو غوښتي چې د افغانستان له زیانمنو ماشومانو سره خپلې بشري مرستې زیاتې کړي، څو د خوارځواکۍ د پراخېدو مخه ونیول شي
د ملګرو ملتونو د ماشومانو د ملاتړ صندوق ټینګار کړی چې د ماشومانو لپاره د کافي خوړو او روغتیايي خدمتونو برابرول د روان بشري کړکېچ د مهارولو له مهمو لومړیتوبونو څخه دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl