اخبار فوری
فــــهــــيـــم شـاهـیـن
22 سرطان 1405
6
مصنوعي ځیرکتیا: مسکو کې د مصنوعي ځیرکتیا لرونکو دوو روباټونو د واده مراسم ترسره شول
بریانیوز دوشنبه - ۲۲ سرطان ١٤٠٥
مسکو – د روسیې په پلازمېنه مسکو کې د مصنوعي ځیرکتیا پر بنسټ جوړو شویو دوو بشر وزمه روباټونو د واده مراسم ترسره کړل، چې د ټکنالوژۍ د پرمختګ په برخه کې یې د خلکو پام ځان ته اړولی دی
د راپورونو له مخې، رابرټ او مټېلډا نومي روباټونو د روسي کلتوري دودونو له مخې د واده مراسم ترسره کړل. دواړه روباټونه د مېلمنو مخې ته حاضر شول او یو بل ته یې د وفادارۍ ژمنې وکړې
د دې ځانګړې نندارې موخه د مصنوعي ځیرکتیا او د بشر وزمه روباټونو د نوې ټکنالوژۍ ښودل بلل شوې ده. د مراسمو پر مهال روباټونو د انسانانو په څېر ځینې کړنې ترسره کړې چې د ګډونوالو پام یې ځان ته واړاوه
د ټکنالوژۍ کارپوهان وایي، د مصنوعي ځیرکتیا پرمختګ د دې لامل شوی چې روباټونه د انسانانو د خبرو، حرکتونو او تعامل وړتیاوې ترلاسه کړي، خو لا هم د دې ټکنالوژۍ د راتلونکې کارونې په اړه ګڼې علمي او اخلاقي پوښتنې شته
دغه پېښه د روباټونو او مصنوعي ځیرکتیا د پراخېدونکي رول یوه بله بېلګه ګڼل کېږي، چې ښيي ټکنالوژي ورځ تر بلې د انسان د ژوند بېلابېلو برخو ته ننوځي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl