اخبار فوری
فــــهــــيـــم شـاهـیـن
23 سرطان 1405
54
واشنګټن:امریکا په هرمز تنګي کې د سمندري محدودیتونو اعلان وکړ؛ ایران د غبرګون خبرداری ورکړ
بریانیوزسه شنبه - ۲۳ سرطان ١٤٠٥
د امریکا سمندري ځواکونو اعلان کړی چې د هرمز تنګي په ځینو برخو کې یې د ایران اړوند بندرونو پر وړاندې نوي سمندري محدودیتونه لګولي او په سیمه کې یې خپل پوځي حضور پیاوړی کړی دی
د امریکا سمندري ځواکونو ویلي، ټولې هغه بېړۍ چې غواړي د یادو محدودو سیمو له لارې تګ راتګ وکړي، باید له مخکې اجازه ترلاسه کړي. د دوی په وینا، هره بېړۍ چې له اجازې پرته محاصره شوې سیمې ته ننوځي، د نیول کېدو له خطر سره به مخ شي
د رویټرز د راپور له مخې، دغه محدودیتونه یوازې د ایران اړوند بېړیو او بندرونو ته متوجه دي او د نورو هېوادونو سوداګریزو بېړیو ته به د هرمز تنګي له لارې د تګ راتګ اجازه ورکړل شي
په همدې حال کې، د ایران د بهرنیو چارو وزیر سید عباس عراقچي د امریکا د دې اقدام په غبرګون کې ویلي، ایران به د هرمز تنګي د امنیت او ساتنې مسؤلیت ته دوام ورکړي او هېچا ته به اجازه ور نه کړي چې د سیمې امنیت له ګواښ سره مخ کړي
هرمز تنګی د نړۍ له مهمو سمندري لارو څخه دی او د نړیوالې انرژۍ د لېږد لویه برخه ترې تېرېږي. له همدې امله، د امریکا او ایران ترمنځ هر ډول پوځي کړکېچ په دې سیمه کې د نړیوالو بازارونو او د انرژۍ پر سوداګرۍ مستقیم اغېز لرلای شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl