اخبار فوری
طالبانو د بهرنیو چارو وزارت: افغانستان او قرغیزستان د سیاسي او اقتصادي اړیکو پر پراختیا ټینګار وکړ
فــــهــــيـــم شـاهـیـن
08 اسد 1405
44
طالبانو د بهرنیو چارو وزارت: افغانستان او قرغیزستان د سیاسي او اقتصادي اړیکو پر پراختیا ټینګار وکړ
بریانیوز/ پنجشنبه ( ۸ / اسد /۱۴۰۵هـ.ش)
په قرغیزستان کې د افغانستان سفارت ویلي، د طالبانو د بهرنیو چارو وزارت درېیم سیاسي رئیس، ډاکټر عبدالحی قانت، د بیشکک ښار د سفر پر مهال د قرغیزستان د بهرنیو چارو وزارت له څلورم سیاسي رئیس، میر بیک باکیتوویچ، سره د دواړو هېوادونو د اړیکو د پراختیا په اړه خبرې کړې دي
د سفارت د معلوماتو له مخې، په دې لیدنه کې په قرغیزستان کې د افغانستان د سفارت سرپرست، عبدالشکور حقاني، هم ګډون درلود
دواړو لوریو د سیاسي، اقتصادي او قونسلۍ همکاریو، د سوداګرۍ او ترانزیټ د پراختیا او د دواړو هېوادونو د ګډو ګټو اړوند پر یو شمېر نورو مهمو موضوعاتو هر اړخیز بحث وکړ
په دې کتنه کې د افغانستان او قرغیزستان ترمنځ د دوهاړخیزو اړیکو پر پیاوړتیا، د سیاسي اړیکو پر دوام او په بېلابېلو برخو کې د عملي همکاریو پر پراخولو هم ټینګار وشو
دا لیدنه په داسې وخت کې ترسره کېږي چې افغانستان او د منځنۍ اسیا هېوادونه په وروستیو میاشتو کې د اقتصادي، سوداګریزو او ترانزیټي همکاریو د پراخولو لپاره خپلې هڅې ګړندۍ کړې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl