اخبار فوری
فــــهــــيـــم شـاهـیـن
10 اسد 1405
51
زرنج : نیمروز کې له څو اوونیو پلټنو وروسته د ۱۴ لارویانو مړي موندل شوي
بریانیوز/ شنبه ( ۱۰ / اسد /۱۴۰۵هـ.ش)
زرنج – سیمه ییزو سرچینو ویلي، د نیمروز ولایت په یوه لرې پرته سیمه کې له څو اوونیو پرلهپسې پلټنو وروسته د ۱۴ هغو کسانو مړي موندل شوي چې د سفر پر مهال ورک شوي وو
د سرچینو د معلوماتو له مخې، دغه کسان څو اوونۍ وړاندې د نیمروز له لارې د سفر پر مهال نادرکه شوي وو. د دوی د موندلو لپاره د سیمهییزو اوسېدونکو او اړوندو ادارو له لوري پلټنې روانې وې
تر اوسه د دغو کسانو د مړینې کره لامل نه دی روښانه شوی او مسؤلو چارواکو په دې اړه بشپړ جزئیات نه دي خپاره کړي. چارواکي وایي، د پېښې د څرنګوالي د معلومولو لپاره څېړنې روانې دي
د قربانیانو د هویت او د هغوی د اصلي استوګنځای په اړه هم تر اوسه رسمي معلومات نه دي خپاره شوي
نیمروز، چې له ایران سره ګډه پوله لري، د ناقانونه کډوالۍ له مهمو لارو ګڼل کېږي. په دې لارو کې هر کال ګڼ شمېر کسان د سختو طبیعي شرایطو، انسانقاچاق کوونکو او امنیتي ګواښونو له امله خپل ژوند له لاسه ورکوي
تمه ده چې مسؤلې ادارې د څېړنو له بشپړېدو وروسته د دې پېښې په اړه نور معلومات هم له خلکو سره شریک کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl