اخبار فوری
افغان کډوال: د افغان کډوالو ستنېدو لړۍ؛ په یوه ورځ له پاکستان او ایرانه له ۲ زرو ډېر کسان هېواد ته راستانه شول
فــــهــــيـــم شـاهـیـن
12 اسد 1405
53
افغان کډوال: د افغان کډوالو ستنېدو لړۍ؛ په یوه ورځ له پاکستان او ایرانه له ۲ زرو ډېر کسان هېواد ته راستانه شول
بریانیوز/دو شنبه ( ۱۲ / اسد /۱۴۰۵هـ.ش)
کابل – د افغان کډوالو د ستنېدو لړۍ لا هم دوام لري؛ رسمي معلومات ښيي چې یوازې په یوه ورځ کې ۴۱۳ افغان کورنۍ، چې شمېر یې ۲ زره ۱۸۳ کسانو ته رسېږي، له پاکستان او ایران څخه افغانستان ته بېرته ستنې شوې دي
د معلوماتو له مخې، د راستنېدونکو ډېره برخه د تورخم له لارې هېواد ته داخله شوې ده. په دې لړ کې ۳۶۳ کورنۍ د تورخم، ۳۲ کورنۍ د سپینبولدک او ۱۸ نورې کورنۍ د اسلامقلعې له لارې افغانستان ته اوښتې دي
خو بېرته ستنېدونکي کډوال وایي، له اوږده کډوالۍ وروسته هېواد ته په راتګ سره د ژوند د لومړنیو اړتیاوو برابرول ورته لویه ننګونه ده. ډېری کورنۍ د اوسېدو ځای، د کار فرصتونو او د خپلو ماشومانو د زدهکړو د دوام په برخه کې له ستونزو سره مخ دي
د بشري حقونو او مرستندویو نړیوالو بنسټونو له کوربه هېوادونو غوښتي چې د افغان کډوالو د ایستلو پر مهال د بشري اصولو درناوی وکړي او ډاډ ترلاسه کړي چې د هغوی ستنېدل په خوندي او باعزته ډول ترسره کېږي
افغانستان ته د کډوالو د ستنېدو زیاتېدونکې لړۍ په داسې حال کې روانه ده چې هېواد لا هم له اقتصادي ستونزو او د بېځایه شویو کورنیو د ملاتړ له محدودو امکاناتو سره مخ دی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl