اخبار فوری
شفيق احمد
15 اسد 1405
74
جلالاباد – ځايي سرچینې وایي، د نن سهار د ننګرهار ولایت د جلالاباد ښار د درېیمې ناحیې اړوند بابریان سیمه کې د یوې ۱۲ کلنې نجلۍ مړی موندل شوی دی.
بریانیوز- پنجشنبه ١٥ اسد ١٤٠٥
د سرچینو په وینا، د سیمې اوسېدونکو لومړی د نجلۍ مړی لیدلی او وروسته یې امنیتي ځواکونو ته خبر ورکړی. له خبرتیا وروسته امنیتي ځواکونه سیمې ته رسېدلي او د پېښې د څېړنې بهیر یې پیل کړی دی.
سرچینې زیاتوي، تر اوسه د یادې نجلۍ هویت او د هغې د مړینې اصلي لامل په رسمي ډول نه دی څرګند شوی، او په دې تړاو څېړنې دوام لري.
تر دې دمه د طالبانو سیمهییزو چارواکو د قرباني د هویت، د مړینې د علت او یا هم د احتمالي شکمنو کسانو د نیولو په اړه کوم رسمي معلومات نه دي خپاره کړي.
د دې نجلۍ د مړي موندل کېدو د سیمې د اوسېدونکو اندېښنې راپارولي دي، او یو شمېر خلکو د دې پېښې د هر اړخیزې، شفافې او بېطرفه څېړنې غوښتنه کړې ده.
دا په داسې حال کې ده چې په وروستیو میاشتو کې د افغانستان له بېلابېلو ولایتونو څخه هم د ورته پېښو راپورونه خپاره شوي، او د ماشومانو د حقونو ملاتړو بنسټونو بیا بیا د ماشومانو د خوندیتوب او د ورته قضیو د جدي څېړنې غوښتنه کړې ده.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl