کابل : د امر بالمعروف وزارت د ښځو د حقونو د نقض ادعاوې رد کړې

اشتراک گذاری:

(بریانیوز دوشنبه (۳۰/ سنبله /۱۴۰۵هـ.ش

د امر بالمعروف او نهې عن المنکر وزارت ویاند سیف‌الاسلام خیبر په افغانستان کې د ښځو د حقونو د نقض په اړه شوې ادعاوې بې‌بنسټه بللې او ویلي یې دي چې اسلامي امارت د ښځو د حقونو موضوع ته ځانګړې پاملرنه کړې ده

نوموړي ویلي، د ښځو او نجونو حقونه د اسلامي شریعت په چوکاټ کې خوندي شوي او د هغوی د حقونو د تأمین لپاره لازم اقدامات ترسره شوي دي

خیبر ټینګار کړی چې د ښځو د حقونو په اړه باید د اسلامي شریعت اصول په پام کې ونیول شي او د افغانستان د اوسني نظام په اړه شوې ادعاوې باید له واقعي وضعیت سره سمې وارزول شي

د ښځو او نجونو د حقونو موضوع لا هم د افغانستان په اړه د نړیوالو بحثونو له مهمو مسئلو څخه ده او د دې حقونو د وضعیت په اړه د اسلامي امارت او نړیوالې ټولنې ترمنځ څرګند اختلافونه موجود دي