تکنولوژی

نړیوالو روبوټیکو فدراسیون : تېر کال په نړۍ کې شاوخوا ۷ زره انسان‌ته‌ورته روبوټونه پلورل شوي

اشتراک گذاری:

(بریانیوز سه شنبه (۳۱/ سنبله /۱۴۰۵هـ.ش

د نړیوالو روبوټیکو فدراسیون د راټولو شویو معلوماتو له مخې، تېر کال په ټوله نړۍ کې شاوخوا ۷ زره انسان‌ته‌ورته روبوټونه د صنعتي او مسلکي خدمتونو لپاره پلورل شوي دي

د معلوماتو له مخې، د دغو روبوټونو غوښتنه په بېلابېلو مسلکي او صنعتي برخو کې د پام وړ زیاته شوې او شرکتونه هڅه کوي د انساني کار د ځینو برخو د ترسره کولو لپاره له نوې روبوټیکې ټکنالوژۍ ګټه واخلي

انسان‌ته‌ورته روبوټونه د انسان د بدن له جوړښت سره ورته ډیزاین شوي او کولی شي د ځانګړو دندو لپاره د انسانانو په څېر حرکت، د توکو لېږد، د وسایلو کارول او ځینې تکراري چارې ترسره کړي

د روبوټیکې ټکنالوژۍ د پرمختګ له دوام سره تمه ده چې په راتلونکو کلونو کې د دغو ماشینونو کارونه په صنعتي، روغتیايي، لوژستیکي او نورو مسلکي برخو کې لا پراخ شي

د دغې ټکنالوژۍ پراختیا په داسې حال کې روانه ده چې د مصنوعي ځیرکتیا او روبوټیکو په برخه کې چټک پرمختګونه د کار د راتلونکي او د انسانانو د دندو په اړه هم د نړیوالو بحثونو لامل شوي دي