کابل : په افغانستان کې د ښځینه سوداګرو د ملاتړ لپاره ۱.۷ میلیونه ډالري پروګرام پیل شو

اشتراک گذاری:

(بریانیوزشنبه(۱۱/ میزان /۱۴۰۵هـ.ش

په افغانستان کې د ښځینه سوداګرو د ملاتړ لپاره د ۱.۷ میلیونه ډالرو په ارزښت نوی پروګرام پیل شوی چې له مخې به یې په راتلونکي یو کال کې له ۱۵۰۰ ښځینه سوداګرو سره مالي او تخنیکي مرستې وشي

د معلوماتو له مخې، د دې پروګرام موخه د ښځینه سوداګرو د اقتصادي فعالیتونو پیاوړتیا، د هغوی د سوداګریزو وړتیاوو لوړول او مالي خدمتونو ته د لاسرسي د فرصتونو پراخول دي

په افغانستان کې مالي خدمتونو ته د ښځو لاسرسی لا هم محدود بلل کېږي. د معلوماتو له مخې، له اوو سلنې څخه کمې ښځې بانکي حسابونه لري، چې له امله یې ډېری ښځینه سوداګرې د خپلو کاروبارونو د پراختیا لپاره له مالي سرچینو څخه د ګټې اخیستنې له ستونزو سره مخ دي

د پروګرام د پراختیا او د لا ډېرو ښځینه سوداګرو د ملاتړ لپاره د نورو ۱۰ میلیونه ډالرو د راټولولو هڅې هم روانې دي. تمه ده چې د اضافي بودجې په برابرېدو سره به د دې پروګرام د مرستو لمن نوره هم پراخه شي