اخبار فوری
فــــهــــيـــم شـاهـیـن
11 میزان 1405
31
اسلاماباد : د ۸۷ افغان محصلینو د ویزو قضیه د پاکستان کورنیو چارو وزارت ته وسپارل شوه
(بریانیوزشنبه(۱۱/ میزان /۱۴۰۵هـ.ش
د اسلاماباد لوړې محکمې د ۸۷ افغان محصلینو د تحصیلي ویزو د تمدید قضیه پای ته رسولې او د پرېکړې لپاره یې د پاکستان کورنیو چارو وزارت ته سپارلې ده
محکمې کورنیو چارو وزارت ته لارښوونه کړې چې د دغو محصلینو په پاکستان کې د پاتې کېدو او د ویزو د وضعیت په اړه دې د ۳۰ ورځو په موده کې وروستۍ پرېکړه وکړي. محصلینو له محکمې غوښتي وو چې د تحصیلي ویزو د تمدید تر پرېکړې پورې دې له نیول کېدو او ایستل کېدو څخه خوندي پاتې شي
دغه ۸۷ افغان محصلین د پاکستان په بېلابېلو پېژندل شوو تعلیمي بنسټونو کې د لیسانس او لوړو زدهکړو په برخو کې بوخت دي. د دوی د ویزو د تمدید غوښتنلیکونه تر اوږدې مودې د پرېکړې په تمه پاتې شوي، چې له امله یې د زدهکړو، بانکي خدمتونو او استوګنې په برخو کې له ستونزو سره مخ شوي دي
د محصلینو وکیلان وايي، د ویزو د ځنډ له امله دغه محصلین د پاکستان څخه د ایستل کېدو له ګواښ سره مخ وو او د دوی د زدهکړو بهیر هم له خنډ سره مخ شوی و
محکمې د قضیې له ارزونې وروسته پرېکړه کړې چې د محصلینو غوښتنه دې د رسمي عریضې په توګه کورنیو چارو وزارت ته ولېږل شي، څو دغه وزارت یې په ۳۰ ورځو کې وڅېړي او د دوی د پاتې کېدو په اړه وروستۍ پرېکړه وکړي
د محصلینو ټولنې په دې قضیه کې د افغان محصلینو د وضعیت په اړه اندېښنه څرګنده کړې او غوښتنه یې کړې چې د زدهکړو د دوام لپاره ورته روښانه او قانوني زمینه برابره شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl