اخبار فوری
فــــهــــيـــم شـاهـیـن
11 میزان 1405
27
بلجیم: بېاسناده افغان مجرمان دې د بند له مودې وروسته افغانستان ته ستانه شي
(بریانیوزشنبه(۱۱/ میزان /۱۴۰۵هـ.ش
د بلجیم د کډوالۍ او پناه غوښتنې وزیرې ویلي، هغه افغان وګړي چې په دغه هېواد کې په جرمونو محکوم شوي او د قانوني استوګنې اجازه نه لري، باید د خپلې بند سزا له بشپړولو وروسته افغانستان ته ستانه کړل شي
انلین فان بوسویت ویلي، د بلجیم په زندانونو کې داسې افغان وګړي هم شته چې د استوګنې قانوني حق نه لري او د درنو جرمونو له امله محکوم شوي دي. د نوموړې په وینا، د دغو کسانو د بېرته ستنولو لپاره له افغان چارواکو سره تخنیکي او اداري خبرې اړینې دي
هغې ټینګار کړی چې له افغان چارواکو سره د بېرته ستنولو په اړه خبرې د افغانستان د اوسني حکومت د رسمیت پېژندلو یا ملاتړ په معنا نه دي، بلکې د بلجیم د چارواکو په وینا، موخه یې د هغو کسانو بېرته ستنول دي چې په دغه هېواد کې د پاتې کېدو قانوني حق نه لري
د بلجیم د چارواکو په وینا، د افغان اتباعو د بېرته ستنولو په برخه کې د پېژندنې او سفري اسنادو د برابرولو موضوع هم له مهمو مسایلو څخه ده. تر اوسه بلجیم افغانستان ته د جبري ستنولو منظم بهیر نه لري، خو د افغان اتباعو د بېرته ستنولو لپاره یې له اروپايي هېوادونو سره د همغږۍ هڅې روانې کړې دي
د دې طرحې په اړه په بلجیم کې د بشري حقونو او کډوالۍ د برخې ځینو بنسټونو اندېښنې هم څرګندې کړې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl