اخبار فوری
فــــهــــيـــم شـاهـیـن
13 میزان 1405
27
د فلسطین د پوهنې وزارت : له ۲۰۲۳ کال راهیسې په فلسطین کې له ۸۰۰ ډېر ښوونکي وژل شوي
(بریانیوز دوشنبه(۱۳/ میزان /۱۴۰۵هـ.ش
د فلسطین د پوهنې او لوړو زدهکړو وزارت وايي، د ۲۰۲۳ کال له اکتوبر راهیسې د اسرائیلي بریدونو له امله له ۸۰۰ ډېر فلسطیني ښوونکي وژل شوي او له ۳۳۰۰ ډېر نور ټپیان شوي دي
دغه وزارت د ښوونکو د نړیوالې ورځې په مناسبت په یوه اعلامیه کې ویلي، په همدې موده کې له ۱۷۰ ډېر ښوونکي د اسرائیلي ځواکونو له خوا نیول شوي او د سختو شرایطو لاندې ساتل شوي دي
په اعلامیه کې ویل شوي، د فلسطین ښوونکي د جګړې، ویجاړۍ او بېځایه کېدو له سختو شرایطو سره سره د زدهکړو د بهیر د دوام هڅې کوي. د وزارت په وینا، په غزه کې ځینو ښوونکو په خېمو او د بېځایه شویو کسانو په مرکزونو کې درسي ټولګي جوړ کړي، څو د زدهکوونکو زدهکړې په بشپړه توګه ونه درېږي
د فلسطین د پوهنې وزارت له نړیوالې ټولنې، ملګرو ملتونو او ښوونیزو، بشري حقونو او بشري مرستو له ادارو غوښتي چې د ښوونیز سکتور پر وړاندې د روانو سرغړونو د مخنیوي لپاره بېړني اقدامات وکړي او د ښوونکو، ښوونیزو کارکوونکو او زدهکوونکو د خوندیتوب لپاره لازم تدابیر ونیسي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl