اخبار فوری
فــــهــــيـــم شـاهـیـن
14 میزان 1405
27
ذبیحالله مجاهد: اسلامي امارت د جرمونو نړیواله محکمه په رسمیت نه پېژني
(بریانیوز سه شنبه (۱۳/ میزان /۱۴۰۵هـ.ش
د اسلامي امارت ویاند ذبیحالله مجاهد وايي، اسلامي امارت د جرمونو نړیواله محکمه په رسمیت نه پېژني او د دې محکمې پرېکړو او دریځونو ته ارزښت نه ورکوي
د نوموړي دا څرګندونې وروسته له هغې کېږي چې د جرمونو نړیوالې محکمې د افغانستان د وضعیت په تړاو د څلورو طالب چارواکو د نیولو حکمونه علني کړل. په دې ډله کې د اسلامي امارت رهبر او د سترې محکمې قاضيالقضات سربېره، د پوهنې او لوړو زدهکړو وزیران هم شامل دي
مجاهد ویلي چې اسلامي امارت د اسلامي شریعت له حکمونو پرته د هېڅ بل بنسټ یا محکمې حکمونه د اعتبار وړ نه ګڼي
هغه زیاته کړې: «افغانستان پر دغسې بنسټونو غږ کوي چې د خپل حیثیت ساتلو لپاره دې له خپل واک پورته ادعاوې نه کوي.»
د جرمونو نړیوالې محکمې د ۲۰۲۵ کال په جولای او سپټمبر کې د دغو څلورو کسانو د نیولو حکمونه صادر کړي وو، خو د دوو نورو حکمونه تر دې وروستیو پورې محرم پاتې شوي وو. محکمې د دغو حکمونو په تړاو د ښځو او نجونو پر وړاندې د جنسیت پر بنسټ د ځورونې ادعاوې مطرح کړې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl