اخبار فوری
فــــهــــيـــم شـاهـیـن
15 میزان 1405
33
قطر: د امریکا او ایران ترمنځ د جګړې د پای ته رسولو خبرې لا هم روانې دي
(بریانیوز چهار شنبه (۱۵/ میزان /۱۴۰۵هـ.ش
قطر وایي، د امریکا او ایران ترمنځ د جګړې د پای ته رسولو لپاره د خبرو او پیغامونو د تبادلې بهیر لا هم روان دی او د دواړو لوریو ترمنځ د هوکړې لپاره منځګړیتوب دوام لري
د قطر د بهرنیو چارو وزارت د رسنیو او اړیکو څانګې مشر ابراهیم بن سلطان الهاشمي ویلي، د واشنګټن او تهران ترمنځ خبرې روانې دي او قطر د خپلو سیمهییزو شریکانو په مرسته د دواړو لوریو ترمنځ د پیغامونو په لېږد کې منځګړیتوب کوي
نوموړي ویلي، د منځګړیتوب هڅې پر دې متمرکزې دي چې داسې پرمختګ رامنځته شي چې د راتلونکو خبرو لپاره بنسټ وګرځي او د دواړو لوریو مهمې اندېښنې پکې په پام کې ونیول شي
الهاشمي ټینګار کړی چې د جګړې پراخوالی او هغه درانه لګښتونه چې نړۍ یې له امله زغمي، ټولې خواوې اړ باسي چې د خبرو له لارې د شخړې د سمدستي پای ته رسولو لپاره خپلې ټولې هڅې وکړي
قطر تر دې وړاندې هم ویلي چې د امریکا او ایران ترمنځ د پیغامونو په لېږد او غیرمستقیمو خبرو کې منځګړیتوب کوي. د سپټمبر په وروستیو کې هم د قطر له لارې تهران ته د واشنګټن پیغامونه رسول شوي وو
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl