اخبار جهان

د مالیزیا د پولیسو تود هرکلی ګلبدین حکمتیار ته غبرګونونه راوپارول

اشتراک گذاری:

بریانیوز (چهارشنبه، ۲۲ دلو ۱۴۰۴) — د حزب اسلامی افغانستان، مشر ګلبدین حکمتیار یوه ویډیویي کلیپ په ټولنیزو شبکو کې پراخ غبرګونونه راپارولي او د کاروونکو ترمنځ یېبېلابېل نظرونه زېږولي دي

په دې ویډیو کې چې د حزب اسلامی د یو شمېر پلویانو له خوا خپره شوې، ښکاري چې د مالیزیا د پلازمېنې کوالالامپور یو شمېر پولیس د ښاغلي حکمتیار د حضور پر مهال هغه ته تود هرکلی وایي. د انځورونو په ځینو برخو کې لیدل کېږي چې ځینې پولیس د مینی او درناوي په توګه هڅه کوي د هغه لاس ښکل کړي

د ویډیو د محتوا له مخې، ښاغلی حکمتیار هڅه کوي چې د دې کار مخه ونیسي او پولیس له ټیټېدو را وګرځوي، خو په پای کې یو تن پولیس وتوانېږي چې د هغه لاس

ښکل کړي

د دغو انځورونو خپرېدو په ټولنیزو شبکو کې پراخ غبرګونونه له ځان سره لرلي دي. د د حزب اسلامي یو شمېر پلویانو او د تولنیزو شبکو کاروونکوی د مالیزیا د پولیسو دغه چلند د ښاغلي حکمتیار پر وړاندې د درناوي، مینې او نېک نیت نښه بللې او دا یې د ځینو مسلمانانو ترمنځ د هغه د مقام څرګندونه ګڼلې ده. خو په مقابل کې، یو شمېر نورو کاروونکو د دې پېښې په اړه خپل انتقادي نظرونه هم مطرح کړي دي

ګلبدین حکمتیار، چې د افغانستان له پېژندل شوو سیاسي څېرو او د حزب اسلامی مشر دی، د روان کال د قوس په ۱۷مه نېټه د درملنې په موخه کوالالامپور ته سفر کړی دی

حکمتیار د افغانستان له جهادي مشرانو څخه شمېرل کېږي. هغه په ۱۳۸۱ کال کې پر افغانستان د ناټو پوځي برید، چې د امریکا متحدو ایالتونو او بریتانیا یې مشري کوله، وغنده او هېواد یې «اشغال شوی» وباله. نوموړي هغه مهال له افغان ولسه غوښتي وو چې د خپلې آزادۍ، خپلواکۍ او ملي او اسلامي ارزښتونو د دفاع لپاره د بهرنیو ځواکونو پر وړاندې مبارزه وکړي

دغه وروستۍ پېښه یو ځل بیا د دې سیاسي څېرې نوم د عامه افکارو په مرکز کې راوستی دی