اخبار جهان

کابل – د اروپايي اتحاديه ځانګړی استازی: د طالبانو جزايي اصول‌ نامه ټولنيزه نابرابري بنسټيزه کوي

اشتراک گذاری:

بریانیوز:(چهارشنبه، ۲۹ دلو۱۴۰۴)

کابل – د اروپايي اتحاديې ځانګړي استازي خبرداری ورکړی چې د طالبانو له لوري اعلان شوې جزايي اصول‌ نامه د افغانستان په ټولنه کې نابرابري رسمي بڼه ورکوي او د بشري حقونو له نړيوالو معیارونو سره په ټکر کې ده

استازي په يوه بيان کې وويل، دغه سند د عدالت پر ځای د محدوديتونو پر پراخېدو ولاړ دی او په ځانګړي ډول د ښځو او کمزورو قشرونو پر ژوند ژور اغېز لرلای شي. د هغه په وينا، د قانون حاکميت هغه مهال معنا لري چې ټول وګړي د قانون پر وړاندې يو شان وي، خو نوې کړنلارې د ټولنې بېلابېل قشرونه په جلا ډول چلندوي

د اروپايي اتحاديې استازي زياته کړه چې دا اصول‌نامه د مدني ازاديو، زده‌کړو او کار حق په برخه کې اندېښنې زياتوي او کېدای شي افغانستان نور هم له نړيوالې ټولنې لرې کړي. نوموړي ټينګار وکړ چې هر حقوقي نظام بايد د اساسي حقونو ساتنه تضمين کړي

طالبانو تر اوسه د دې څرګندونو په اړه رسمي غبرګون نه دی خپور کړی، خو مخکې يې ويلي وو چې ټول قوانين به د دوی د تفسير له مخې د اسلامي شريعت پر بنسټ عملي کېږي

شنونکي باور لري چې دا ډول اختلافات کولای شي د افغانستان او نړيوالو ادارو ترمنځ واټن زيات کړي او د بشري مرستو او سياسي تعامل پر راتلونکې اغېز وکړي