د عدالت دروازه پرانیستل شوه؛ بن رابرتز-سمېت د افغانستان د جګړې په تورونو کې ونیول شو

د عدالت دروازه پرانیستل شوه؛ بن رابرتز-سمېت د افغانستان د جګړې په تورونو کې ونیول شو

بریانیوز:(سه شنبه، ۱۸ حمل۱۴۰۵)

اسټرالیايي رسنیو خبر ورکړی چې د دغه هېواد پخوانی پوځي، بن رابرتز-سمېت، په افغانستان کې د «جنګي جرمونو» د جدي تورونو له امله نیول شوی او اوس له محکمې او احتمالي محکومیت سره مخ دی. دا قضیه د نړیوال عدالت او د جګړې د اصولو د مراعت په اړه مهم بحثونه راپورته کوي

د راپورونو له مخې، نوموړی د سې شنبې په سهار د سیدني په نړیوال هوایي ډګر کې هغه مهال ونیول شو چې غوښتل یې سفر وکړي. امنیتي چارواکي وایي چې دا نیونه د هغو څېړنو پایله ده چې له کلونو راهیسې د افغانستان د جګړې پر مهال د استرالیايي ځواکونو د کړنو په اړه روانې وې

پر رابرتز-سمېت تور دی چې په افغانستان کې یې د خپلو عملیاتو پر مهال په پنځو جلا پېښو کې د ملکي وګړو په وژنه کې لاس درلود. دا تورونه د بشري حقونو د احتمالي سرغړونو له جملې څخه ګڼل کېږي، چې اوس به یې قانوني ارزونه په محکمه کې ترسره شي

کارپوهان وایي چې دا قضیه د نړیوالو قوانینو له مخې د جګړې پر مهال د حساب ورکونې یو مهم ازموینه ده. د دوی په باور، که چېرې دا تورونه ثابت شي، نو دا به وښيي چې حتی ځواکمن پوځیان هم د قانون له منګولو خلاص نه دي

په ورته وخت کې، د بشري حقونو ملاتړي سازمانونه د دې اقدام هرکلی کوي او ټینګار کوي چې د جګړې قربانیان باید هېر نه شي. دوی وایي، دا ډول محاکمې نه یوازې عدالت تأمینوي، بلکې د راتلونکو سرغړونو د مخنیوي لپاره هم مهم پیغام لري

په ټوله کې، د بن رابرتز-سمېت نیونه یو ځل بیا دا حقیقت روښانه کوي چې د جګړې اغېزې اوږدمهاله وي، او د عدالت غوښتنه که هر څومره وخت ونیسي، خو بالاخره خپل مسیر پیدا کوي