اخبار فوری
فــــهــــيـــم شـاهـیـن
17 ثور 1405
109
قرغیزستان: د «کاسا-۱۰۰۰» پروژې اړوند ساختماني چارې مو بشپړې کړې
بریانیوز( پنجشنبه، ١۷ ثور ١٤٠٥)
قرغیزستان اعلان کړی چې د سیمه ییزې برېښنا لېږد پروژې «کاسا-۱۰۰۰» په چوکاټ کې د دغه هېواد اړوند ساختماني چارې بشپړې شوې دي
د قرغیزستان چارواکو ویلي، د دې پروژې بشپړېدل به د منځنۍ اسیا او جنوبي اسیا ترمنځ د انرژۍ د همکارۍ لپاره مهم ګام ثابت شي او د سیمې اقتصادي اړیکې به نورې هم پیاوړې کړي
کاسا-۱۰۰۰ پروژه د قرغیزستان، تاجکستان، افغانستان او پاکستان ترمنځ د برېښنا د لېږد ستره سیمهییزه طرحه ده، چې موخه یې د منځنۍ اسیا اضافي برېښنا جنوبي اسیا ته انتقالول دي. د دغې پروژې له لارې ټاکل شوې چې په اوړي موسم کې اضافي برېښنا له قرغیزستان او تاجکستان څخه افغانستان او پاکستان ته ولېږدول شي
چارواکي باور لري چې د پروژې پرمختګ به نه یوازې د سیمې د انرژۍ اړتیاوو پوره کولو کې مرسته وکړي، بلکې افغانستان ته به د ټرانزیټ له لارې اقتصادي عواید هم برابر کړي
اقتصادي شنونکي وایي، د کاسا-۱۰۰۰ پروژه د سیمې د اقتصادي اتصال، انرژۍ تبادلې او سوداګریزو همکاریو لپاره یوه مهمه او ستراتیژیکه پروژه ګڼل کېږي، چې د بشپړېدو په صورت کې به د سیمې هېوادونو ترمنځ متقابلې اړیکې لا پراخې کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl