اخبار فوری
فــــهــــيـــم شـاهـیـن
18 ثور 1405
110
رنګین دادفر سپنتا: د افغانانو اراده د اټومي بمونو تر سیوري هم پیاوړې ده
بریانیوز (جمعه، ١۸ ثور ١٤٠٥)
د افغانستان پخواني بهرنیو چارو وزیر رنګین دادفر سپنتا ویلي، پاکستان دا مهال له بېلتونپالو خوځښتونو او ترهګرۍ سره مخ دی او د دغو بحرانونو ډېره برخه خپله د دغه هېواد د نظامي کړیو د سیاستونو پایله ده
سپنتا په خپلې اېکسپاڼې کې لیکلي چې افغانان د پاکستان له خلکو سره د سولې، متقابل درناوي او ښه ګاونډیتوب غوښتونکي دي، خو زیاته کړې یې ده چې د افغان ملت اراده د «اټومي بمونو» تر ځواک هم پیاوړې ده
هغه ویلي: د پاکستان مشران باید په یاد ولري چې افغانستان یو لرغونی هېواد دی، هغه خاوره چې خلکو یې د تاریخ په اوږدو کې د خپل سر او مال په بیه د یرغلګرو او استعمارګرو پر وړاندې ساتنه کړې ده
د نوموړي څرګندونې په داسې مهال مطرح کېږي چې په دې وروستیو کې د افغانستان او پاکستان ترمنځ سیاسي او امنیتي اړیکې یو ځل بیا ترینګلې شوې او دواړه هېوادونه وخت ناوخت پر یو بل د ناامنۍ د ملاتړ تورونه پورې کوي
سپنتا ټینګار کړی چې افغان ولس د خپلواکۍ، ملي حاکمیت او خاورې د دفاع اوږد تاریخ لري او هېڅ فشار نه شي کولای د دغه ملت اراده کمزورې کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl