اخبار جهان

د خلیج تازه ترینګلتیا؛ د ایران بریدونو د سیمې اندېښنې زیاتې کړې

اشتراک گذاری:

د خلیج تازه ترینګلتیا؛ د ایران بریدونو د سیمې اندېښنې زیاتې کړې

بریا نیوز (شنبه،۱۹ثور ۱۴۰۵)

د خلیج همکاریو شورا د خلیـج همکاریو شورا په یوې تازه اعلامیه کې د متحده عربي امارات د تېلو پر زېرمو د ایران وروستي بریدونه په سختو ټکو غندلي او هغه یې “نه منونکي او خطرناک” بللي دي.

د راپور له مخې، شورا ویلي چې دغه بریدونه نه یوازې د سیمې امنیت ګواښي، بلکې د نړيوال اقتصاد او د انرژۍ د لېږد پر بهیر هم ژور اغېز کولی شي. په اعلامیه کې ټینګار شوی چې نړيواله ټولنه باید د دغو بریدونو پر وړاندې چوپه پاتې نه شي او د تاوتریخوالي د درولو لپاره عملي او بېړني ګامونه پورته کړي.

بلخوا، د متحده عربي اماراتو دفاع وزارت ویلي چې د یکشنبې په ورځ یې د ایران له لوري توغول شوي شاوخوا ۱۵ کروز او بالسټیک توغندي او څلور بې‌پیلوټه الوتکې شنډې کړې دي

د وزارت په وینا، د هېواد هوايي دفاعي سیسټمونو د دغو بریدونو ډېری هدفونه تر خپلو موخو مخکې له منځه وړي او د پراخ زیان مخه یې نیولې ده

د سیمې شنونکي باور لري چې د خلیج او منځني ختیځ روان وضعیت ورځ تر بلې حساس کېږي او د هر نوي پوځي اقدام احتمال کولی شي د انرژۍ نړیوال بازارونه، سمندري سوداګري او سیاسي اړیکې له سخت بحران سره مخ کړي

په ورته وخت کې د خلیج هېوادونو د ډیپلوماسۍ، زغم او خبرو اترو غوښتنه کړې او خبرداری یې ورکړی چې د جګړې دوام به د ټولې سیمې ثبات له ستر ګواښ سره مخامخ کړي