اخبار فوری
فــــهــــيـــم شـاهـیـن
21 ثور 1405
89
د متقاعدینو لپاره لوی زېرى؛ د حقوقو د ورکړې اتم مهالوېش اعلان شو
بریا نیوز (دوشنبه،۲۱ثور ۱۴۰۵)
د اسلامي امارت د مالیې وزارت د متقاعدینو د حقوقو د ورکړې اتم مهالوېش اعلان کړی، چې له مخې به یې د پخواني زراعت، اوبولګولو او مالدارۍ وزارت کارکوونکو او همدارنګه د ملي امنیت پخوانیو ډګروالانو ته حقوق ورکړل شي
د یاد وزارت د خبرتیا له مخې، د دغو متقاعدینو د حقوقو د ورکړې لړۍ به د ثور میاشتې له ۲۶مې نېټې څخه پیل شي. چارواکو ویلي، چې دا بهیر د منظم پلان له مخې پر مخ وړل کېږي، څو ټول مستحق متقاعدین خپل حقوق په ټاکلي وخت ترلاسه کړي
د مالیې وزارت ټینګار کړی، چې د متقاعدینو د حقوقو ورکړه د حکومت له مهمو لومړیتوبونو څخه ده او هڅه کېږي چې د پخوانیو کارکوونکو اقتصادي ستونزې تر یوه بریده هوارې شي
متقاعدینو د دغه نوي مهالوېش هرکلی کړی او هیله یې څرګنده کړې، چې د حقوقو د ورکړې لړۍ به په چټک او شفاف ډول بشپړه شي. د دوی په وینا، د اوږدې مودې انتظار وروسته د حقوقو ترلاسه کول به د ژوند ورځنۍ اړتیاوې او اقتصادي فشارونه کم کړي
اقتصادي شنونکي باور لري، چې د متقاعدینو د حقوقو منظم تادیات نه یوازې د زرګونو کورنیو اقتصادي وضعیت ښه کوي، بلکې د مالي باور فضا هم پیاوړې کوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl