اخبار فوری
د روغتیايي خدمتونو د پیاوړتیا لپاره نوې هڅې؛ د ملګرو ملتونو او عامې روغتیا وزارت پر ګډو همکاریو ټینګار
فــــهــــيـــم شـاهـیـن
21 ثور 1405
70
د روغتیايي خدمتونو د پیاوړتیا لپاره نوې هڅې؛ د ملګرو ملتونو او عامې روغتیا وزارت پر ګډو همکاریو ټینګار
بریا نیوز (دوشنبه،۲۱ثور ۱۴۰۵)
د عامې روغتیا وزارت وایي، د دغه وزارت د روغتیايي خدمتونو مرستیال عبدالولي حقاني د ملګرو ملتونو د پراختیایي پروګرام له مسئولانو سره د ایډز، نري رنځ او ملاریا ناروغیو پر ضد د مبارزې د پروګرامونو د ملاتړ په اړه لیدنه او خبرې کړې دي
د عامې روغتیا وزارت د خبرپاڼې له مخې، په دې ناسته کې دواړو لورو د روغتیايي پروګرامونو د کارکوونکو د فعالیتونو، د همکاریو د دوام او د دغو ناروغیو د ناروغانو لپاره د اړینو درملو د برابرولو په اړه هر اړخیز بحث او د نظر تبادله کړې ده
عبدالولي حقاني د ملګرو ملتونو د همکاریو رول د افغانستان د روغتیايي نظام د پیاوړتیا لپاره مهم بللی او ټینګار یې کړی، چې د روغتیايي کارکوونکو ملاتړ او د حیاتي درملو برابرول باید دوام ومومي
بل لور ته د ملګرو ملتونو د پراختیایي پروګرام مسئولانو هم ډاډ ورکړی، چې د درملو د برابرولو او روغتیايي پروګرامونو د ملاتړ په برخه کې به خپلو همکاریو ته دوام ورکړي. هغوی د هېواد د روغتیايي خدمتونو د پیاوړتیا لپاره خپله ژمنتیا یو ځل بیا تازه کړې ده
روغتیايي کارپوهان وایي، د نړیوالو بنسټونو دوامداره ملاتړ کولی شي د ایډز، نري رنځ او ملاریا په څېر خطرناکو ناروغیو د مخنیوي او درملنې بهیر لا اغېزمن کړي او زرګونو ناروغانو ته د ژوند نوې هیلې وروبښي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl