مقاله

تېل : د هرمز تنګي د پرانیستل کېدو د هوکړې له اعلان سره د تېلو بیې راټیټې شوې

اشتراک گذاری:

بریانیوز- دوشنبه ٢۵ جوز ١٤٠٥

د امریکا او ایران ترمنځ د هغې هوکړې له اعلان وروسته چې د هرمز تنګي د بیا پرانیستل کېدو پرېکړه پکې شامله ده، د اسیا په بازارونو کې د تېلو نړیوالې بیې ښکته شوې دي

د راپورونو له مخې، د خامو تېلو بیه ۴.۸ سلنه راټیټه شوې او د هر بېرل بیه ۸۳.۱۸ امریکايي ډالرو ته رسېدلې ده. همدارنګه د امریکايي تېلو بیه ۵.۶ سلنه راکمه شوې او له ۸۰ ډالرو لږ لوړې کچې ته راښکته شوې ده

په همدې حال کې پاکستان، چې د امریکا او ایران ترمنځ د خبرو په بهیر کې د منځګړي رول لوبوي، ویلي چې د دغه هوکړې رسمي مراسم به د جون په ۱۹مه په سوېس کې ترسره شي

د هرمز تنګی، چې د نړۍ د تېلو د صادراتو له مهمو سمندري لارو څخه ګڼل کېږي، د فبروري په ۲۸مه وروسته له هغه تړل شوی و چې د امریکا او اسرائیلو د هوايي بریدونو د زیاتېدو راپورونه خپاره شول