ورزش

افغانستان د آسیا د کورش سیالیو کې درېیم برونزي مډال هم وګاټه

اشتراک گذاری:

بریانیوز- دوشنبه ٢۵ جوز ١٤٠٥

دوشنبه – د افغانستان د کورش ملي لوبډلې ورزشکار محمدظاهر سروري د آسیا د کورش اتلولۍ په ۱۵م پړاو سیالیو کې د ۱۰۰ کیلوګرامه وزن په کټه‌ ګورۍ کې د برونزو مډال ترلاسه کړ

سروري د سیالیو په جریان کې د خپلو سیالانو پر وړاندې د ښه لوبغاړتوب او قوي مهارتونو په ښودلو سره وکولای شول د مډال مقام خپل کړي او افغانستان ته په دې سیالیو کې درېیمه برونزي مډال ورزیات کړي

تر دې وړاندې هم د افغانستان د کورش ملي فدراسیون دوو نورو لوبغاړو د هند او تاجکستان د استازو پر وړاندې بریاوې ترلاسه کړې وې او د برونزو مډالونه یې ګټلي وو، چې له امله یې د افغانستان د مډالونو ټول شمېر درېیو ته ورسېد

د آسیا د کورش اتلولۍ ۱۵م پړاو سیالۍ د تاجکستان په پلازمېنه دوشنبې ښار کې د ۲۸ هېوادونو د ورزشکارانو په ګډون ترسره شوې، چې پکې د لوړې کچې سیالۍ وشوې

د افغانستان د کورش لوبډلې دا لاسته راوړنه د هېواد د رزمي ورزشونو لپاره مهم پرمختګ بلل کېږي او تمه کېږي چې افغان لوبغاړي به په راتلونکو نړیوالو سیالیو کې نورې هم غوره پایلې ترلاسه کړي