مقاله

روسیه: د برتانوي ځانګړو ځواکونو له لوري د افغان ملکي وګړو د وژنو نوې ادعاوې څېړل کېږي

اشتراک گذاری:

بریانیوز- جمعه ٢۹ جوز ١٤٠٥

د روسیې د بهرنیو چارو وزارت ویلي چې تازه شواهد ښيي د برتانیا د ځانګړو ځواکونو له لوري په افغانستان کې د ملکي وګړو د وژنو او له قانوني چوکاټه بهر عملیاتو په اړه جدي ادعاوې موجودې دي

دغه وزارت زیاته کړې چې د راپورونو له مخې داسې نوي معلومات ترلاسه شوي چې د برتانوي ځواکونو د احتمالي غیرقانوني کړنو په اړه د پخوانیو تورونو د بیا څېړنې اړتیا لا پسې پیاوړې کوي

مسکو ویلي چې د دې ډول پېښو هر اړخیزه څېړنه باید وشي او نړیواله ټولنه باید د جګړو پر مهال د بشري حقونو د سرغړونو موضوعات له پامه ونه غورځوي

د روسیې د بهرنیو چارو وزارت ټینګار کړی چې د افغان ملکي وګړو د خوندیتوب موضوع د نړیوالو اصولو مهمه برخه ده او د داسې راپورونو روښانه کېدل باید د عدالت او حساب ورکونې د بهیر لامل شي

دا څرګندونې په داسې وخت کې کېږي چې د افغانستان د جګړې د پخوانیو پېښو او د بهرنیو ځواکونو د عملیاتو په اړه بحثونه او راپورونه لا هم په نړیواله کچه دوام لري