مقاله

د امریکا او ایران د خبرو په اړه نوی بدلون؛ پلان شوې ناستې وځنډېدې

اشتراک گذاری:

بریانیوز- جمعه ٢۹ جوز ١٤٠٥

سپینې ماڼۍ ویلي چې د امریکا د ولسمشر مرستیال هغه پلان شوی سفر سویس ته لغوه کړی چې هدف یې د ایران له مذاکراتي پلاوي سره لیدنې وې

په ورته وخت کې د سویس د بهرنیو چارو وزارت هم اعلان کړی چې د ایران او امریکا ترمنځ د خبرو لپاره ټاکل شوې ناسته د جمعې ورځې لپاره نه ده ترسره شوې او د تخنیکي خبرو لومړنی پړاو هم وځنډول شو

د راپورونو له مخې، دغه بدلون د دواړو لورو د مهالویش د بیا تنظیم او د خبرو د بهیر د تخنیکي چمتووالي له امله رامنځته شوی، خو د نوې نېټې په اړه تر اوسه رسمي معلومات نه دي خپاره شوي

دا پرمختګ په داسې حال کې رامنځته کېږي چې د واشنګټن او تهران ترمنځ د اړیکو او مذاکراتو بهیر لا هم د نړیوالو پام ځان ته اړولی او د راتلونکو ګامونو په اړه بېلابېل اټکلونه روان دي