له زده کړو محرومې نجونې؛ د پنځه کلن بندیز اوږدې اغېزې او درنې پایلې

اشتراک گذاری:

بریانیوز- شنبه ۳۰ جوز ١٤٠٥

په افغانستان کې د نجونو پر زده کړو د محدودیتونو دوام، چې اوس شاوخوا پنځه کاله کېږي، د زده کړو له بهیر څخه د یوې بشپړې نسلي ډلې د لرې پاتې کېدو په اړه جدي اندېښنې راپورته کړې دي

د ښوونې او روزنې کارپوهان وایي چې د نجونو د ښوونځیو او پوهنتونونو تړل کېدو د زده‌کړو په برخه کې یو لوی تشه رامنځته کړې، چې اغېزې یې یوازې په اوسني نسل نه، بلکې د راتلونکو کلونو پر ټولنیز او اقتصادي پرمختګ هم ښکاره کېدای شي

د راپورونو له مخې، په دې موده کې زرګونه نجونې له ابتدایي، ثانوي او لوړو زده‌کړو بې برخې پاتې شوي او د دوی د تعلیمي مسیر ځنډ د مهارتونو، کارموندنې او ټولنیز مشارکت په برخه کې د جدي خنډونو لامل شوی دی

شنونکي ټینګار کوي چې د زده‌کړو دوامداره بندیز نه یوازې د ښځو د حقونو موضوع ده، بلکې د هېواد د پرمختګ، روغتیا، اقتصاد او بشري پانګې لپاره هم اوږدمهاله منفي پایلې لري

په همدې حال کې یو شمېر مدني فعالان له چارواکو او نړیوالې ټولنې غوښتنه کوي چې د نجونو د زده‌کړو د بیا پیل لپاره عملي او دوامداره حل لارې ولټوي، څو د دې تعلیمي بحران اغېزې نورې هم ژورې نه شي