اقتصاد

اوسپنې کان:د بامیان د یکاولنګ د اوسپنې کان ۳۰ کلن قرارداد؛ دوه شرکتونو ته وسپارل شو

اشتراک گذاری:

بریانیوز- دوشنبه ۱ سرطان ١٤٠٥

راپورونه وایي چې واکمنې ادارې د بامیان ولایت د یکاولنګ ولسوالۍ د اوسپنې یو لوی کان، چې شاوخوا ۸۵ کیلومتره مربع مساحت لري، د ۴۳۸ میلیونه افغانیو په ارزښت د ۳۰ کلونو لپاره دوو شخصي شرکتونو ته ورکړی دی

د معلوماتو له مخې، په دې قرارداد کې شرط ایښودل شوی چې د کان د استخراج او تولید له عوایدو څخه ۲۰ سلنه ګټه به د اړوندو ادارو لپاره ځانګړې کېږي

دغه اقدام د کانونو د سکتور د پراختیا او د کورنیو عوایدو د زیاتوالي په موخه شوی بلل کېږي، خو تر اوسه د تړون د تفصیلي شرایطو او د چاپېریالي اغېزو په اړه نور جزئیات نه دي خپاره شوي

اقتصادي شنونکي وایي چې د طبیعي زیرمو د مدیریت شفافیت، د قراردادونو څارنه او د عوایدو عادلانه وېش د داسې لویو پروژو د بریا لپاره حیاتي اهمیت لري