مقاله

ملګري ملتونه: ایران او پاکستان کې له ۲۰۲۳ راهیسې میلیونونه افغان کډوال ستانه شوي

اشتراک گذاری:

بریانیوز- دوشنبه ۱ سرطان ١٤٠٥

ملګرو ملتونو ویلي چې د ۲۰۲۳ کال له پیل راهیسې تر اوسه پورې له ایران او پاکستان څخه شاوخوا شپږ میلیونه افغان کډوال یا په جبري ډول ایستل شوي او یا بېرته افغانستان ته ستانه شوي دي

د راپور له مخې، یوازې په روان کال کې له پاکستانه نږدې ۷۵۰ زره افغان وګړي ایستل شوي دي، چې دا بهیر د کډوالو د وضعیت په اړه جدي اندېښنې راپورته کړې دي

ملګري ملتونه خبرداری ورکوي چې د دومره لوی شمېر کډوالو بېرته ستنېدل پر افغانستان کې پر اقتصادي، ټولنیز او بشري وضعیت زیات فشار راوړي، په ځانګړي ډول په داسې حال کې چې هېواد لا هم له بېکارۍ، بې‌سرپناهۍ او د اساسي خدماتو له کمښت سره مخ دی

دغه اداره ټینګار کوي چې د کډوالو د ستنېدو بهیر باید د انساني کرامت، نړیوالو اصولو او تدریجي پلان له مخې مدیریت شي، څو د نوو بشري کړکېچونو مخه ونیول شي