مقاله

جي‌ډي وېنس: د هند او پاکستان یادونه په طنزي څرګندونو کې؛ پراخ غبرګونونه

اشتراک گذاری:

بریانیوز- دوشنبه ۱ سرطان ١٤٠٥

د امریکا مرستیال ولسمشر جي ډي وېنس د رسنیو پر وړاندې په خپلو وروستیو خبرو کې د پاکستان د پوځ د مشر اسم منير او د خپلې مېرمنې ترمنځ په غیررسمي او طنزي انداز کې یادونه کړې ده

وېنس ویلي: «ما تل په ټوکه ویلي چې زما په ژوند کې دوه ډېر مهم کسان دي؛ یوه هندۍ او بل پاکستانی. هندي زما مېرمن ده او پاکستانی عاصم منیر دی.»

هغه زیاته کړې چې په وروستیو میاشتو کې یې له عاصم منیر سره څو ځله تماسونه لرلي او د هغه د ډیپلوماټیک رول او د اړیکو د مدیریت ستاینه یې کړې ده

دغه څرګندونې په ټولنیزو رسنیو کې پراخ بحثونه او بېلابېل غبرګونونه راپارولي دي. ځینې شنونکي وایي چې د داسې ډول مقایسو کارول په ځانګړي ډول په جنوبي اسیا کې حساس ګڼل کېږي او کېدای شي مختلف تعبیرونه ولري، په داسې حال کې چې نور بیا دا یوازې یو غیررسمي او طنزي بیان بولي چې د سیاسي جدي موضع په توګه نه شي ګڼل کېدای

تر اوسه د سپینې ماڼۍ یا د پاکستان د پوځ له لوري د دې څرګندونو په اړه رسمي غبرګون نه دی خپور شوی