مقاله

سیف‌الاسلام خیبر: هر هېواد د خپل ارزښتونو پر بنسټ د نظام جوړولو حق لري

اشتراک گذاری:

بریانیوز- دوشنبه ۱ سرطان ١٤٠٥

د طالبانو د امر بالمعروف او نهی عن المنکر وزارت ویاند سیف‌الاسلام خیبر ویلي چې که نړیواله ټولنه د ملتونو د تنوع او د هغوی د حقونو د ټاکلو خبره کوي، نو باید دا اصل د اسلامي هېوادونو په اړه هم په مساوي ډول تطبیق کړي

نوموړي په خپله ایکس پاڼه کې لیکلي چې لکه څنګه چې فرانسه د سکولر نظام د ټاکلو حق لري او متحده ایالات خپل قانوني نظام لري، افغانستان هم دا حق لري چې خپل سیاسي او ټولنیز جوړښت د اکثریت خلکو د دیني او فرهنګي ارزښتونو پر بنسټ تنظیم کړي

هغه زیاته کړې چې هېڅ دولت په نړۍ کې مطلقه ازادي نه مني، ځکه د هر هېواد ټولنیز نظم د قوانینو او اصولو په چوکاټ کې تنظیمېږي. د ده په وینا، هغه هېوادونه چې اکثریت یې مسلمانان دي، حق لري چې د خپل ژوند عامه برخې د خپلو عقیدوي او فرهنګي ارزښتونو مطابق تنظیم کړي

د امر بالمعروف وزارت ویاند همدارنګه ټینګار کړی چې که د دې ادارې کوم مامور یا محتسب د دندې په جریان کې ناسمه کړنه ترسره کړي، نو باید د اداري اصولو له مخې اصلاح او پوښتنه ترې وشي

دغه څرګندونې په داسې حال کې مطرح کېږي چې د افغانستان د نظام او د نړیوالې ټولنې د تعامل په اړه بحثونه لا هم روان دي