اخبار فوری
فــــهــــيـــم شـاهـیـن
11 سرطان 1405
45
ایران د علي خامنه یي د جنازې مراسمو لپاره ۲۵۰۰ افغانانو ته ویزې صادرې کړې
بریانیوز- پنجشنبه ١۱ سرطان ١٤٠٥
ایراني چارواکو اعلان کړی چې د ایران د پخواني رهبر علي خامنهیي د جنازې او خاورو ته د سپارلو په مراسمو کې د ګډون په موخه ۲۵۰۰ افغان اتباعو ته د دوغارون له سرحدي لارې د ننوتلو ځانګړې ویزې صادرې شوې دي
د چارواکو په وینا، دغه ویزې د اوو ورځو لپاره اعتبار لري او هغه افغان مېلمانه چې د جنازې په مراسمو کې د ګډون اراده لري، کولای شي د چنګاښ د ۱۴مې او ۱۵مې نېټې ترمنځ د دوغارون له پولې په قانوني ډول ایران ته داخل شي
د راپورونو له مخې، ایراني ادارو د سرحدي تګراتګ د اسانتیا، د مېلمنو د هرکلي او د مراسمو د منظم ترسره کېدو لپاره ځانګړي ترتیبات هم نیولي دي، څو د ګډونوالو د تګ او راتګ بهیر له ستونزو پرته ترسره شي
تمه کېږي چې د افغانستان له بېلابېلو ولایتونو څخه ګڼ شمېر دیني عالمان، قومي مشران او نور مېلمانه په دغو مراسمو کې ګډون وکړي. د جنازې په مراسمو کې د سیمې او نړۍ د یو شمېر هېوادونو د رسمي پلاوو او لوړپوړو چارواکو ګډون هم اټکل کېږي
شنونکي باور لري، د افغان ګډونوالو لپاره د ځانګړو ویزو صادرول د دواړو ګاونډیو هېوادونو ترمنځ د مذهبي او ډیپلوماټیکو اړیکو د دوام نښه ده. د دوی په اند، دا اقدام کولی شي د خلکو ترمنځ اړیکې هم پیاوړې کړي او د سرحدي همکارۍ په برخه کې د اسانتیاوو د رامنځته کولو لپاره مثبت پیغام ولېږدوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl