مقاله

جرمني کې د ډله‌ ییز جنسي تېري د قضیو په شکمنو کسانو کې ۶۴ افغان وګړي شامل دي

اشتراک گذاری:

بریانیوز جمعه - ١۹ سرطان ١٤٠٥

د جرمني د عدلي او امنیتي ادارو د شمېرو له مخې، د ډله‌ییزو جنسي تېري د قضیو په تړاو د شکمنو کسانو په ډله کې ۶۴ افغان وګړي هم شامل دي

د راپورونو له مخې، دغه شمېرې د هغو قضیو پورې اړه لري چې د جرمني د امنیتي او عدلي ادارو تر څېړنې لاندې دي. چارواکي وایي، په دې پړاو کې یاد کسان یوازې شکمن بلل شوي او د محکمو تر وروستۍ پرېکړې پورې د هېچا جرم نه شي ثابتېدای

د جرمني چارواکو ټینګار کړی چې د یادو قضیو د بشپړې څېړنې لپاره قانوني بهیر روان دی او له ټولو شکمنو کسانو سره به د نافذو قوانینو له مخې چلند وشي

دغه راپور په داسې وخت کې خپرېږي چې په جرمني کې د کډوالۍ، ټولنیز امنیت او د جرمونو د مخنیوي په اړه بحثونه زیات شوي او چارواکي د قانون د پلي کېدو او د عامه امنیت د ټینګښت پر اهمیت ټینګار کوي