اخبار جهان

تهران : د ایران ولسمشر د ملګرو ملتونو غونډې ته؛ نیویارک ته د سفر تیاری نیسي

اشتراک گذاری:

(بریانیوز سه شنبه (۳۱/ سنبله /۱۴۰۵هـ.ش

د ایران ولسمشر مسعود پزشکیان به په راتلونکو ورځو کې د ملګرو ملتونو د عمومي غونډې د ۸۱مې دورې د ګډون او وینا لپاره د امریکا نیویارک ښار ته سفر وکړي

ټاکل شوې نوموړی د عمومي غونډې په ترڅ کې د ایران دریځونه او لیدلوري له نړیوالو مشرانو او استازو سره شریک کړي او د غونډې په څنډه کې د یو شمېر هېوادونو له مشرانو او لوړپوړو چارواکو سره هم جلا لیدنې ولري

د ایران د رسنیو د معلوماتو له مخې، د ولسمشر د سفر پر مهال به د بېلابېلو هېوادونو له چارواکو سره د دوه‌اړخیزو اړیکو، سیمه‌ییزو بدلونونو او نړیوالو موضوعاتو په اړه خبرې وشي

بلخوا ویل شوي چې سږ کال د پزشکیان د رسنیز ټیم هېڅ غړي ته د امریکا ویزه نه ده ورکړل شوې. د دې پرېکړې لامل په رسمي ډول نه دی روښانه شوی

د ملګرو ملتونو د عمومي غونډې ۸۱مه دوره ټاکل شوې د سپټمبر له ۲۲مې تر ۲۹مې پورې د امریکا په نیویارک ښار کې ترسره شي، چې د نړۍ د بېلابېلو هېوادونو مشران او لوړپوړي استازي به پکې ګډون وکړي