اخبار فوری
فــــهــــيـــم شـاهـیـن
02 میزان 1405
43
مسعود پزشکیان: ایران د ترهګرۍ قرباني ده او اټومي انرژي د هېواد د پرمختګ لپاره غواړي
(بریانیوز پنجشنبه (۲/ میزان /۱۴۰۵هـ.ش
د ایران ولسمشر مسعود پزشکیان د ملګرو ملتونو د عمومي اسمبلۍ په ۸۱مه غونډه کې ویلي، ایران د ترهګرۍ قرباني دی او هغه کسان چې دغه هېواد په ترهګرۍ تورنوي، د ده په وینا، د ایران ماشومان یې په ښوونځیو او لوبغالو کې وژلي دي
ایران په تېرو ۲۰۰ کلونو کې پر هېڅ هېواد برید نه دی کړی او تل یې د خپل هېواد دفاع کړې ده. نوموړي ټینګار کړی چې تهران د جګړې او یرغل غوښتونکی نه دی، بلکې د خپل هېواد د دفاع لپاره د پیاوړتیا هڅه کوي
هغه زیاته کړې چې ایران اټومي انرژي د هېواد د پرمختګ لپاره غواړي، نه د نورو هېوادونو پر وړاندې د برید لپاره. نوموړي همداراز ویلي چې تهران به د خپلې سولهییزې اټومي ټکنالوژۍ له حقه تېر نه شي، خو اټومي وسلې نه غواړي
د ایران ولسمشر ویلي، هېواد یې د هر ډول برید پر وړاندې له خپل قلمرو څخه په ټول توان دفاع کوي او د ایران دفاعي وړتیاوې د دې لپاره جوړېږي چې د دغه هېواد پر ښارونو برید بېځوابه پاتې نه شي
پزشکیان د اټومي پروګرام په اړه د نړیوالو چلندونو د توپیر ادعا هم کړې او ویلي یې دي چې اسرائیل اټومي وسلې لري، خو د اټومي انرژۍ نړیوالې ادارې پلټونکي په ایران کې د اټومي پروګرام د څارنې لپاره غوښتل کېږي. اسرائیل په رسمي ډول د اټومي وسلو لرل نه تاییدوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl