اخبار جهان

ډونالډټرمپ: له افغانستانه د امریکايي ځواکونو د وتلو پر مهال ډېر تجهیزات پاتې شول

اشتراک گذاری:

(بریانیوزجمعه(۱۰/ میزان /۱۴۰۵هـ.ش

د امریکا ولسمشر ډونالډ ټرمپ له افغانستانه د امریکايي ځواکونو د ۲۰۲۱ کال وتل له عراق څخه د امریکايي ځواکونو د وتلو له بهیر سره پرتله کړي دي

ټرمپ ویلي، امریکا له افغانستانه د خپلو ځواکونو د ایستلو پر مهال د پام وړ پوځي تجهیزات پرېښودل؛ خو د نوموړي په وینا، له عراق څخه د امریکايي ځواکونو د وتلو پر مهال ټول پوځي تجهیزات له دغه هېواده بهر کړل شوي دي

د هغه څرګندونې د افغانستان څخه د امریکايي ځواکونو د وتلو په څرنګوالي او د پاتې شوو پوځي تجهیزاتو په اړه د واشنګټن د بحثونو په لړ کې مطرح شوې دي

امریکايي ځواکونه د ۲۰۲۱ کال په اګست کې له افغانستانه ووتل او له وتلو سره هم‌مهاله د پخواني افغان حکومت سقوط وشو. له دې وروسته په افغانستان کې د امریکايي ځواکونو د پاتې شوو پوځي تجهیزاتو موضوع د امریکا په سیاسي بحثونو کې له مهمو موضوعاتو څخه پاتې شوې ده

د افغانستان د جګړې له پای ته رسېدو سره د امریکايي ځواکونو د وتلو څرنګوالی لا هم د دغه هېواد د بهرني سیاست او پوځي پرېکړو په اړه د بحثونو یوه مهمه برخه جوړوي