مقاله

ریچارډ بنټ: په هلمند او کونړ کې د پاکستان بریدونه د نړیوالو قوانینو سرغړونه ده

اشتراک گذاری:

(بریانیوزجمعه(۱۰/ میزان /۱۴۰۵هـ.ش

د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بنټ په هلمند او کونړ کې د پاکستان د تېرې ورځې هوايي بریدونه د بشري حقونو او نړیوالو قوانینو ښکاره سرغړونه بللې ده

نوموړي په دغو بریدونو کې د ملکي وګړو مرګ‌ژوبلې ته په اشارې ویلي چې د پېښې په اړه باید حساب‌ورکونه یقیني شي او د ملکي وګړو د زیانمنېدو څرنګوالی په جدي توګه وڅېړل شي

بنټ د بریدونو په اړه پوښتنه کړې چې دا پېښه د «بې‌کفایتۍ، بې‌غورۍ او که تر دې د کوم بد حالت» پایله ده، او ټینګار یې کړی چې د ملکي وګړو د مرګ‌ژوبلې په اړه باید روښانه معلومات وړاندې شي

د بشري حقونو دغه ځانګړی راپور ورکوونکی په داسې حال کې د دغو بریدونو په اړه څرګندونې کوي چې د افغانستان او پاکستان ترمنځ وروستیو نښتو د دواړو هېوادونو پر اړیکو سربېره، د سرحدي سیمو د ملکي وګړو د خوندیتوب په اړه هم اندېښنې زیاتې کړې دي

د نړیوالو قوانینو له مخې، په وسله‌والو شخړو کې د ملکي وګړو د ساتنې اصل له اساسي موضوعاتو څخه دی او د ملکي وګړو د مرګ‌ژوبلې هره ادعا د جدي او خپلواکې څېړنې غوښتنه کوي