اخبار فوری
اسلاماباد : ګوترش او اسحاق دار په اسلاماباد کې د افغانستان او سیمهییزو مسایلو په اړه خبرې وکړې
فــــهــــيـــم شـاهـیـن
15 میزان 1405
29
اسلاماباد : ګوترش او اسحاق دار په اسلاماباد کې د افغانستان او سیمهییزو مسایلو په اړه خبرې وکړې
(بریانیوز چهار شنبه (۱۵/ میزان /۱۴۰۵هـ.ش
د ملګرو ملتونو سرمنشي انتونیو ګوترش په اسلاماباد کې د پاکستان له لومړي وزیر مرستیال او بهرنیو چارو وزیر محمد اسحاق دار سره لیدلي او د افغانستان، فلسطین، جمو او کشمیر او د ترهګرۍ پر وړاندې د مبارزې ترڅنګ یې د سیمهییزو او نړیوالو سولې او امنیت په اړه خبرې کړې دي
د پاکستان د بهرنیو چارو وزارت د معلوماتو له مخې، اسحاق دار ګوترش ته د سیمهییزو کړکېچونو د کمولو او د خبرو اترو د پیاوړتیا لپاره د پاکستان د ډیپلوماتیکو هڅو په اړه معلومات ورکړي دي
دار همداراز د ایران او امریکا ترمنځ د خبرو د اسانتیا لپاره د اسلاماباد د هڅو یادونه کړې او ټینګار یې کړی چې اختلافونه باید د خبرو او ډیپلوماسۍ له لارې حل شي
د ملګرو ملتونو سرمنشي د پاکستان د اوږدمهاله همکاریو او د سولې، خبرو اترو، منځګړیتوب او د کړکېچونو د کمولو په برخه کې د دغه هېواد د ډیپلوماتیکو هڅو قدرداني کړې ده
ګوترش د اکتوبر له شپږمې تر اتمې نېټې د درې ورځني رسمي سفر لپاره پاکستان ته تللی او د دغه سفر پر مهال به د پاکستان له یو شمېر لوړپوړو چارواکو سره هم لیدنې ولري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl