مقاله

نړیوال بانک: په افغانستان او پاکستان کې د بېوزلۍ ستونزه لا هم جدي ده

اشتراک گذاری:

(بریانیوز شنبه (۱۸/ میزان /۱۴۰۵هـ.ش

د نړیوال بانک د راپور له مخې، په منځني ختیځ، شمالي افریقا، افغانستان او پاکستان کې ګڼ شمېر وګړي د سختې بېوزلۍ له امله د ورځې په درېیو ډالرو هم ژوند نه شي تېرولای

د راپور له مخې، بېکاري، د کاري فرصتونو کمښت، د ژوند د لګښتونو لوړوالی او اقتصادي ستونزې د خلکو پر عاید منفي اغېز کړی او د ډېرو کورنیو د لومړنیو اړتیاوو پوره کول یې ستونزمن کړي دي

افغانستان په ځانګړي ډول له اقتصادي ستونزو، د کار د محدودو فرصتونو او د بشري مرستو د اړتیا له زیاتوالي سره مخ دی. په پاکستان کې هم د خلکو د پېرلو ځواک او د کورنیو اقتصادي وضعیت د بېوزلۍ او د ژوند د لګښتونو د لوړوالي تر فشار لاندې دی

اقتصادي کارپوهان د بېوزلۍ د کمولو لپاره د کاري فرصتونو رامنځته کول، د کوچنیو او منځنیو کاروبارونو ملاتړ، د پانګونې پراختیا او د خلکو د عاید لوړول مهم بولي