اخبار جهان

دمشق/بغداد: د عراق او سوریې مشرانو د سیاسي، سوداګریزو او ترانسپورټي همکاریو پر پراختیا خبرې کړې دي

اشتراک گذاری:

(بریانیوزپنجشنبه (۷/ عـقـرب/۱۴۰۵هـ.ش

د عراق صدراعظم علي الزیدي د لومړي ځل لپاره سوریې ته سفر کړی او په دمشق کې یې د دغه هېواد له ولسمشر احمد الشرع سره د دوه‌اړخیزو اړیکو، ترانسپورټ، سوداګرۍ او سیاسي همکاریو د پراختیا په اړه خبرې کړې دي

د ورکړل شویو معلوماتو له مخې، دواړو مشرانو د عراق او سوریې ترمنځ د تګ راتګ د اسانتیاوو، سوداګریزو اړیکو او د همکاریو د نویو فرصتونو پر رامنځته کولو بحث کړی دی. د دې لیدنې موخه د دواړو ګاونډیو هېوادونو ترمنځ د اړیکو پیاوړتیا او د ګډو همکاریو لپاره د نویو لارو موندل بلل شوي دي

علي الزیدي د خپل سفر پر مهال په دمشق کې د حضرت زینب زیارت ته هم تللی دی. د ورکړل شویو معلوماتو له مخې، نوموړي هلته پنځه میلیونه ډالره نذرانه هم ایښې ده

د عراق او سوریې ترمنځ د اړیکو پراختیا د دواړو هېوادونو لپاره د سوداګرۍ، ترانسپورټ او سیمه‌ییزې همکارۍ په برخو کې د نویو فرصتونو د رامنځته کېدو زمینه برابرولی شي. په دې لیدنه کې د دواړو مشرانو خبرې د ګاونډیتوب اړیکو او ګډو ګټو پر محور راڅرخېدې