اخبار جهان

واشنګټن : امریکا دوه ډیموکراټ استازي د افغانانو لپاره د لنډمهاله خوندیتوب پروګرام د بیا پیل هڅه کوي

اشتراک گذاری:

واشنګټن : امریکا دوه ډیموکراټ استازي د افغانانو لپاره د لنډمهاله خوندیتوب پروګرام د بیا پیل هڅه کوي

(بریانیو سه شنبه (۱۹/ عـقـرب/۱۴۰۵هـ.ش

د امریکا د استازو جرګې دوه ډیموکراټ غړي، جېسن کرو او سم لېکارډو، هڅه کوي چې په دغه هېواد کې مېشتو افغانانو ته د ایستلو پر وړاندې د لنډمهاله خوندیتوب پروګرام بېرته فعال کړي، څو په شرایطو برابر افغانان وکولای شي په امریکا کې خپل ژوند او کار ته دوام ورکړي
د راپورونو له مخې، دغو دوو استازو د استازو جرګې د ۲۱۸ غړو د ملاتړ او لاسلیکونو راټولولو بهیر پیل کړی، څو د یوې داسې طرحې د رایې اچونې لپاره زمینه برابره کړي چې د تصویب په صورت کې به په شرایطو برابر افغانانو ته د ۲۰۲۹ کال تر جولای میاشتې پورې په امریکا کې د اوسېدو او کار کولو قانوني حق ورکړي

دا هڅه په داسې حال کې کېږي چې د امریکا د ولسمشر ډونالډ ټرمپ ادارې د ۲۰۲۵ کال په مې میاشت کې د افغانانو لپاره د ایستلو پر وړاندې د لنډمهاله خوندیتوب وضعیت لغوه کړی و. د دې پرېکړې له امله په امریکا کې د مېشتو هغو افغانانو د اوسېدو قانوني وضعیت له ستونزو سره مخ شوی چې د یاد پروګرام له لارې یې خوندیتوب ترلاسه کړی و
د یادې طرحې د وړاندې کولو لپاره د استازو جرګې د ۲۱۸ غړو لاسلیکونه راټولول اړین دي. که طرحه د رایې اچونې لپاره وړاندې او تصویب شي، په شرایطو برابر افغانان به وکولای شي د ټاکلې مودې تر پایه په امریکا کې پاتې شي او کار وکړي