اخبار فوری
فــــهــــيـــم شـاهـیـن
20 میزان 1405
32
فقر او کډوالي: په فراه کې د ښځو او ماشومانو په ګډون ۸۴ کسان نیول شوي
(بریانیوز دو شنبه (۲۰/ میزان /۱۴۰۵هـ.ش
د طالبانو د ۲۰۷ الفاروق قول اردو اعلان کړی، چې د فراه ولایت په لاشوجوین ولسوالۍ کې یې ایران ته د ناقانونه تګ په تور د ښځو او ماشومانو په ګډون ۸۴ کسان نیولي دي
د خپرو شویو معلوماتو له مخې، دغه کسان د یادې ولسوالۍ په پشمکي سیمه کې نیول شوي او تر لومړنیو څېړنو وروسته اړوندو ادارو ته سپارل شوي دي. د نیول شویو کسانو د هویت، عمرونو او د هغوی د سفر د موخو په اړه نور جزئیات نه دي خپاره شوي
دا پېښه په داسې حال کې ده چې د افغانستان ګڼ شمېر وګړي د بېوزلۍ، بېکارۍ او د ژوند د مناسبو فرصتونو د نشتوالي له امله د هېواد پرېښودو ته اړ کېږي. ځینې کورنۍ د ښه ژوند او کار موندلو په هیله ایران او نورو هېوادونو ته د تګ لپاره له غیرقانوني او خطرناکو لارو استفاده کوي
د ناقانونه کډوالۍ دغه لارې د انسان قاچاق، ناوړه ګټې اخیستنې، لوږې، تندې او ان د مرګ له خطرونو سره ملې دي. په تېرو کلونو کې د افغان کډوالو د سفرونو پر مهال د مرګژوبلې پېښې هم ثبت شوې دي
د کډوالۍ د ستونزې د کمولو لپاره د کارموندنې، اقتصادي فرصتونو او د خلکو د ژوند د ښه کېدو اړتیا مهمه ده؛ ځکه یوازې د ناقانونه تګ د مخنیوي اقدامات د هغو ستونزو حل نه شي کولای چې خلک له هېواده وتلو ته هڅوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl