اخبار جهان

نيويارک: په امریکا کې افغانه مېرمن د ۲۰۲۴ کال په ټاکنو کې د ناقانونه رایې ورکولو په تور تورنه شوې

اشتراک گذاری:

(بریانیوزجمعه (۸/ عـقـرب/۱۴۰۵هـ.ش

د امریکا د نیواډا ایالت په فدرالي محکمه کې یوه افغانه مېرمن او یو سوډانی سړی د ۲۰۲۴ کال په فدرالي ټاکنو کې د ناقانونه رایې ورکولو په تور تورن شوي دي

د نیواډا د سیمې د امریکا د څارنوالۍ دفتر په وینا، پر دغو دوو کسانو تور دی چې د ۲۰۲۴ کال په فدرالي ټاکنو کې یې په داسې حال کې رایې ورکړې چې د امریکا د قوانینو له مخې د رایې ورکولو شرایط یې نه لرل.

د امریکا د قوانینو له مخې، په فدرالي ټاکنو کې د رایې ورکولو حق عموماً د دغه هېواد اتباعو ته ځانګړی دی او غیرامریکایي اتباع د ولسمشرۍ او کانګرس په ټاکنو کې د رایې ورکولو اجازه نه لري

تر اوسه په ورکړل شویو معلوماتو کې د افغانې مېرمنې او سوډاني سړي هویت، د دوی د تابعیت وضعیت او د قضیې د راتلونکو حقوقي پړاوونو په اړه نور جزئیات نه دي خپاره شوي. یاد کسان په دې قضیه کې تورن دي او د محکمې تر پرېکړې پورې بې‌ګناه ګڼل کېږي