اخبار فوری
په دوحه کې د افغانستان او پاکستان ترمنځ خبرې؛ د سولې، باور او همکارۍ نوې هیلې راژوندۍ شوې
فــــهــــيـــم شـاهـیـن
28 میزان 1404
8
په دوحه کې د طالبانو د حکومت او د پاکستان د استازو ترمنځ تازه ناستې د دواړو هېوادونو ترمنځ د کړکېچ د کمېدو او د نوې همکارۍ د پیل په لور یو مهم پرمختګ بلل شوی دی
د طالبانو د حکومت د دفاع وزیر ملا محمد یعقوب مجاهد، چې د افغان پلاوي مشري یې کوله، ویلي دي چې دغه خبرې د ګډو امنیتي اندېښنو، سرحدي شخړو او د متقابل درناوي د ټینګښت په موخه ترسره شوې دي. نوموړي ټینګار وکړ چې افغانستان غواړي له خپلو ګاونډیانو سره د تفاهم، ثبات او همکارۍ پر بنسټ اړیکې ولري
د پاکستاني پلاوي سرچینو ویلي، دا لیدنه د دواړو هېوادونو ترمنځ د باور د بیا رامنځته کېدو او د ګډو امنیتي هدفونو د لاسته راوړلو لپاره یو مثبت ګام دی
سیاسي شنونکي وایي، د دوحې دا خبرې د سیمهییز ثبات، اقتصادي همکارۍ او د باور د فضا د ټینګښت لپاره ځانګړې معنا لري، او تمه ده چې د خبرو دا لړۍ به د دوامدار تفاهم او سولې لور ته وغځېږي
دواړه لوري هوډ لري چې د خبرو دغه بهیر به دوام ولري تر څو د ګاونډیتوب اړیکې له نوي فصل سره مخامخې شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي