سیاست

ټرمپ: که ایران په هرمز تنګي کې کومه بېړۍ په نښه کړي، امریکا به یې مهمې زېربناوې وولي

اشتراک گذاری:

بریانیوز- پنجشنبه، ۱- اسـد ١٤٠٥

واشنګټن – د امریکا ولسمشر ډونالډ ټرمپ یو ځل بیا ایران ته سخت خبرداری ورکړی او ویلي یې دي، که تهران په هرمز تنګي کې کومه بېړۍ په نښه کړي، متحده ایالات به یې په ځواب کې مهمې زېربناوې، لکه پلونه او د برېښنا تولید مرکزونه، تر برید لاندې راولي

ټرمپ د چهارشنبې په ورځ ویلي، امریکا به د ایران هر هغه اقدام ته سمدستي او متناسب ځواب ورکړي چې د نړیوالو سمندري لارو امنیت له ګواښ سره مخ کړي

د نوموړي په وینا، د هرمز تنګی د نړیوالې سوداګرۍ له مهمو سمندري لارو څخه دی او د بېړیو پر ضد هر ډول برید به بې ځوابه پاتې نه شي

د امریکا ولسمشر دا څرګندونې په داسې مهال کړې چې د واشنګټن او تهران ترمنځ پوځي او سیاسي کړکېچ لا هم دوام لري او د هرمز تنګي امنیت د نړیوالو اندېښنو له مهمو موضوعاتو څخه ګڼل کېږي

تر اوسه ایراني چارواکو د ټرمپ د وروستیو ګواښونو په اړه رسمي غبرګون نه دی ښودلی