سیاست

د هالنډ لومړي وزیر د جرمونو له نړیوالې محکمې دفاع وکړه

اشتراک گذاری:

(بریانیوز شنبه (۴/ میزان /۱۴۰۵هـ.ش

د هالنډ لومړي وزیر راب یتن د ملګرو ملتونو د عمومي اسامبلې په غونډه کې د جرمونو له نړیوالې محکمې څخه کلک ملاتړ څرګند کړی او ویلي یې دي چې د دې بنسټ د کمزوري کولو هڅې د نړیوال حقوقي نظام پر جوړښت منفي اغېز کولی شي او نړیواله ټولنه باید د نړیوالو قوانینو د پلي کېدو او د حساب ورکونې لپاره د رامنځته شویو بنسټونو ملاتړ وکړي او اجازه ورنه کړي چې دغه بنسټونه کمزوري شي

څرګندونې په داسې مهال دي چې د امریکا ولسمشر ډونالډ ټرمپ د جرمونو پر نړیوالې محکمې نیوکې کړې دي

د جرمونو نړیوالې محکمې د طالبانو د مشر هبت‌الله اخوندزاده او د سترې محکمې د رئیس عبدالحکیم حقاني پر وړاندې د نیولو حکمونه هم صادر کړي دي

دغه محکمه د هالنډ په هاګ ښار کې موقعیت لري او د نړیوالو جرمونو په تړاو د افرادو د قضایي تعقیب او حساب ورکونې مسوولیت لري