اخبار جهان

د امریکا ولسمشر ډونالډ ټرمپ: له ایران سره جګړه پای ته نږدې شوې؛ امریکا هر ډول احتمالي بدلون ته چمتو ده

اشتراک گذاری:

د امریکا ولسمشر ډونالډ ټرمپ: له ایران سره جګړه پای ته نږدې شوې؛ امریکا هر ډول احتمالي بدلون ته چمتو ده

(بریانیو سه شنبه (۱۹/ عـقـرب/۱۴۰۵هـ.ش

د امریکا ولسمشر ډونالډ ټرمپ د قطر له لومړي وزیر او بهرنیو چارو وزیر، شیخ محمد بن عبدالرحمن آل ثاني، سره په خبرو کې ویلي چې له ایران سره جګړه پای ته نږدې شوې او د ده په وینا، اسراییل او د منځني ختیځ هېوادونه نور د ایران له ګواښونو سره مخ نه دي
ټرمپ په خپله ټولنیزه شبکه «ټروت سوشیال» کې لیکلي چې قطر، سعودي عربستان، بحرین، کویټ او متحده عربي امارات د ایران پر وړاندې د سمندري محاصرې د دوام او د «اوسپنې دروازې» په نوم د نوي عملیاتو ملاتړ کوي
نوموړي زیاته کړې، که په منځني ختیځ کې هر ډول پوځي یا امنیتي تحرک رامنځته شي، امریکا ورته د غبرګون ښودلو لپاره چمتو ده

د امریکا ولسمشر همداراز ادعا کړې چې د منځني ختیځ ټول هېوادونه پر دې یوه خوله دي چې ایران باید اټومي وسلو ته لاسرسی پیدا نه کړي

بلخوا، د قطر لومړي وزیر او بهرنیو چارو وزیر شیخ محمد بن عبدالرحمن آل ثاني د ټرمپ او د امریکا د ولسمشر مرستیال جي ډي ونس سره د لیدنې په اړه ویلي چې د خبرو اترو له لارې د یوې هوکړې ترلاسه کولو او په سیمه کې د سولې ټینګښت ته ارزښت ورکوي
نوموړي ټینګار کړی چې قطر د سیمه‌ییزو ترینګلتیاوو د کمولو او د سولې د ټینګښت لپاره ډیپلوماټیکو هڅو ته دوام ورکولو ته ژمن دی