اخبار فوری
د ملګرو ملتونو : ځانګړې استازې ننګرهار ته سفر وکړ؛ له سیمهییزو چارواکو او خلکو سره یې لیدلي
فــــهــــيـــم شـاهـیـن
11 عقرب 1405
29
د ملګرو ملتونو : ځانګړې استازې ننګرهار ته سفر وکړ؛ له سیمهییزو چارواکو او خلکو سره یې لیدلي
(بریانیوز دوشنبه (۱۱/ عـقـرب/۱۴۰۵هـ.ش
د افغانستان لپاره د ملګرو ملتونو د سرمنشي ځانګړې استازې رباب فاطمې ننګرهار ولایت ته په خپل لومړني سفر کې له سیمهییزو چارواکو، ښځو، قومي مشرانو، سوداګرو، بېرته راستنېدونکو افغانانو او د ملګرو ملتونو د بېلابېلو ادارو له استازو سره لیدلي دي
د ملګرو ملتونو مرستندویه پلاوي (یوناما) ویلي، دغه سفر د دې لپاره ترسره شوی چې د ننګرهار د خلکو له اړتیاوو، ورځنیو ستونزو او هغو مهمو موضوعاتو څخه چې د سیمې پر وضعیت اغېز لري، له نږدې ځان خبر کړي
د سفر په لړ کې فاطمې له بېلابېلو ټولنیزو ډلو سره خبرې کړې دي. په دې لیدنو کې د ښځو، قومي مشرانو، سوداګرو او بېرته راستنېدونکو افغانانو ګډون د دې فرصت برابر کړی چې د ولایت د بېلابېلو برخو وضعیت او د خلکو اندېښنې په مستقیم ډول واورېدل شي
نوموړې په دې سفر کې یو ځل بیا د افغانستان له خلکو سره د ملګرو ملتونو پر ژمنتیا او ملاتړ ټینګار کړی دی. هغې ویلي، ملګري ملتونه د افغانستان د خلکو د ملاتړ لپاره خپلې هڅې او همکاري روانه ساتي
ننګرهار د هغو ولایتونو له ډلې دی چې د بېرته راستنېدونکو افغانانو د تګ راتګ او مېشتېدو له موضوع سره مخ دی؛ له همدې امله د ملګرو ملتونو د ځانګړې استازې دا سفر د سیمې د بشري او ټولنیز وضعیت د ارزونې لپاره مهم بلل کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl